Быйыл күһүн Усуйаана туундаратыгар соҕотох кыталык оҕото булуллубута. Кини өрөспүүбүлүкэтээҕи «Орто Дойду» зоопарка исписэлиистэригэр бэриллиэҕэ. Бу туһунан «Заря Яны» оройуон хаһыата суруйар.
Көтөр оҕотун балаҕан ыйын 30 күнүгэр «Удьуор» община биригээдэтэ — Казачье сэлиэнньэтиттэн быһа холоон 120 км тэйиччи булбут. Бэрэссэдээтэл Сергей Филиппов кыталыгы уопсастыбатын аатынан ааттаата уонна көтөрү исписэлиистэргэ биэриэр диэри хас да хонук тус бэйэтинэн кыһаллан көрдө.
Казачье сэлиэнньэтин ветеринарнай бырааһа Тамара Шахурдина кыталык оҕото үс-түөрт ый кэриҥэ саастааҕын быһа холоон эттэ. Көтөр эт-хаан туруга үчүгэй.
Көтөр оҕото ветеринарнай бэрэбиэркэни толору ааста уонна алтынньы 28 күнүгэр Уус-Куйгаҕа аҕалылынна, онтон Дьокуускайга көһөрүлүннэ.
