19 Тохсунньу 19.01
  • -48°
  • $ 73,82
  • 83,32

Тутуллар кэтэх дьиэлэр сирдэрин инфраструктурата ситэриллиэҕэ

11:33, 11 августа 2016

Кэтэх дьиэни туттарга анаан, туох-ханнык иннинэ элбэх оҕолоохторго бэриллэр сирдэр инфраструктурата суох хаалыахтара суоҕа. Ити туһунан бырабыыталыстыба вице-премьерэ Игорь Никифоров эттэ.

«Бырабыыталыстыба соруга маннык: бастатан туран ити сирдэ таһынааҕы суоллар оҥоһуллуохтаахтар, электроэниэргийэ тардыллыахтаах», — диир Игорь Никифоров.

Официальнай иһитиннэриилэргэ олоҕурдахха, кэтэх дьиэни тутуу сирдэрин оҥорууга анаан өрөспүүбүлүкэтээҕи бырагырааманан муниципальнай тэриллиилэргэ 195 мөл.солк. бэриллэр.

Дьокуускай куоракка өрөспүүбүлүкэ бюджетыттан 21,85 мөл.солк. Маҥаҥҥа уонна Хатаска, Намныыр суол 17 км., «Хотугу” дьоҕус оройуонугар электричество тиһигин тардарга ананар.

Куорат дьаһалтатын кытта түһэрсиллибит сөбүлэһии чэрчитинэн үлэ туолуутуттан көрөн үп-харчы бэриллэр.

Баһылык уонна бырабыыталыстыба дьаһалтатыгар эппиттэринэн, маныаха анаммыт тэрээһиннэр салгыы ыытыллыахтара.

0
0
19 января 19.01
  • -48°
  • $ 73,82
  • 83,32