Саха тустуутун оскуолатын иитиллээччитэ, Македония сүүмэрдэммит хамаандатын чилиэнэ Владимир Егоров бастакытын Европа финалыгар тахсары ситистэ.
Чемпионат күрэхтэһиитэ Венгрияҕа буолар. Кыһыл көмүс мэтээли былдьаһыыга саха тустууга Азербайджан бэрэстэбиитэлин кытта тахсар, суруйар СИА.
Владимир Егоров 57 кг ыйааһыҥҥа киирсэр. Бастакы эргииргэ 5:4 ахсаанынан Германия бөҕөһүн Никлас Стечеле кыайбыта, оттон полуфиналга 10:0 ахсаанынан Арменияттан Манвен Хндзрцяны куоһарбыта.
Кулун тутар 29 күнүгэр Егоров азербайджанец, былырыын эдэрдэргэ аан дойду чемпиона Алиаббас Рзазадены кытта көрсөр.
Финал Москва бириэмэтинэн 19 чааска саҕаланар.
