Өрөбүл күннэргэ уонна бэнидиэнньиккэ Дькуускайга уонна Илин Эҥэр улуустарга күүскэ тыалырыа. Ити туһунан норуот билгэһитэ Тускул «Саха» НКИК биэриитигэр эттэ.
Дьокуускайга тыал түргэнэ сөк. 15-16 м, Мэҥэ Хаҥаласка, Аммаҕа — сөк. 13-15 м. Итинтэн өссө күүстээх, сөк. 17 м түргэннээх тыал Тааттаҕа уонна Чурпчыга түһэрэ күүтүллэр. «Итии уонна тымныы салгыннар хатыһыыларыттан маннык тыаллар үөскүүллэр», – диир Тускул.
Ыам ыйын 15-19 күннэригэр киин улуустарга хаһыҥныаҕа, түүнүн -5 кыраадыска диэри тымныйыаҕа. Бүлүүгэ ыам ыйын 19-20 күннэригэр 3-5 кыраадыс тымныйыаҕа, Өлүөхүмэҕэ — ыам ыйын 19 күнүгэр, Өймөкөөҥҥө ыам ыйын 16-20 күннэригэр. Тускул Ньукуолуҥҥа диэри оҕуруот аһын таһырдьа таһаарар эрдэтин сүбэлиир.
This post was published on 13.05.2016 14:50 14:50