22 От ыйа 22.07
  • 18°
  • $ 88,02
  • 96,04

Туркменистан делегацията норуоттар икки ардыларынааҕы Оонньууну ыытыыга Саха сириттэн үөрэнэр

10:17, 12 июля 2016
Читайте нас на
Яндекс Новости
ЯДВ

«Азия оҕолоро» Оонньууга спортсменнар эрэ буолбакка, тренердэр, суруналыыстар эмиэ кэлбиттэрэ. Саха сирэ ыытар үлэтин билсэ Туркменистантан эмиэ бааллар. Эһиил кинилэр сабыылаах сиргэ Азиатскай Ооньууну уонна боевой искусствоҕа күрэхтэһии ыытыахтаахтар. 


«Биһиги тыһыынчанан дьону көрсүүнү тэрийиэхтээхпит. Саха сиригэр норуоттар икки ардыларынааҕы күрэхтэһии буоларын истээт,үлэни билсэ кэлбиппит», — диир V-с Азиатскай Оонньуу бэлэмигэр толорор кэмитиэт аһынан уонна ырааһынан хааччыйыыга салаатын кылаабынай исписэлииһэ Даянч Дурдыев.

Делегацияҕа 22 киһи баар: транспорынан, эминэн-томунан, куттал суох буолуутун, аһынан хааччыйыыга уонна да атын исписэлиистэр. Кинилэр «Азия оҕолоро» Оонньуу тэрээһинигэр кытталлар уонна үөрэнэллэр.

«Ашхабадка бу бастакы уопут, онон эппиэтинэс үрдүк. Саха сирэ биһигини үрдүк таһымҥа көрсүбүтүгэр махтанабыт», — диэн Туркменистан транспорка министиэристибэтин эксплуатациялыыр департаменын сүрүннүүр исписэлииһэ Ислам Сапаргулыев эттэ.

Кини бэлиэтээбитинэн, СӨ транспорка министиэристибэтин көмөтүнэн бэйэтин хайысхатынан үлэ барылын илиитигэр тута сылдьар: «Биһиги салгыы үлэлиэхпит. Саха сирин уопута олус улахан. Аҥардас транспорынан хааччыйыыга наһаа элбэх биһиэхэ өссө да өйдөммөт түгэннэр бааллар эбит. Олору учуоттуохпутун наада. Ити логистика, куттала суох айан уонна да атын элбэх».

Туркменистан делегацията Саха сирин кытта бэйэлэригэр майгыннаһар өрүттэр баалларын бэлиэтииллэр. «Тылбыт эрэ атылыы буолбатах. Манна олус истиҥ, эйэҕэс, үөрүнньэҥ дьон олорор эбит. Биһиги дойдубут норуота эмиэ оннук. Бу олус үчүгэй. Онон «Азия оҕолоро» Оонньуу чэрчитинэн биһиги бэйэбитигэр элбэҕи ылыахпыт дии саныыбыт», — диэтилэр.

Следите за самым важным и интересным в Telegram-канале и WhatsApp-группе ЯСИА