29 Кулун тутар 29.03
  • -11°
  • $ 92,26
  • 99,71

Тупсарыныы бырайыагар киирсэр территорияны талыы муус устар 15 күнүн кэннэ быһаарыллыаҕа

Читайте нас на
Яндекс Новости
ЯДВ

Муус устар 15 күнүттэн ыам ыйын 30 күнүгэр диэри «Олорор дьиэ уонна куорат эйгэтэ» нацпроект иһинэн баар «Табыгастаах куорат эйгэтин тутуу» федеральнай бырайыак чэрчитинэн ханнык территорияҕа тупсарыныы үлэтэ барарын быһаараары, иккис бүтүн Арассыыйатааҕы онлайн куоластааһына буолуоҕа.  14 саастарыттан үөһэ саастаах Саха сирин олохтоохторо 17 муниципальнай тэриллиигэ бырайыактары талыахтара, кыайбыт бырайыактары 2023 сылга диэри тупсарыахтара диэн регион баһылыгын уонна бырабыыталыстыбатын пресс-сулууспатыгар иһитиннэрдилэр.

14 саастарыттан үөһэ саастаах  Саха сирин олохтоохторо 17 муниципальнай тэриллиигэ тупсарыллар сири-уоту талыахтара, ол кэннэ 2023 сылга диэри кыайыылаах бырайыактар олоххо киирииэхтэрэ. Быйыл куоластааһыҥҥа Алдан, Аллараа Куранаах, Амма, Ленскэй, Аллараа Бэстээх, Мииринэй, Айхал, Удачнай, Уус-Ньара, Өлүөхүмэ, Сунтаар, Анаабыр, Бороҕон, Мохсоҕоллоох, Жатай, Дьокуускай сирдэрин билиһиннэрдилэр.

«Нэһилиэнньэҕэ аналлаах саҥа социальнай эбийиэктэр тутуллалларыттан, сир-уот тупсарыллыытыттан киһи ис туруга, кэлин тиһэҕэр ситиһиилээх олоҕо эмиэ тутулуктаах», — диэтэ Саха сирин баһылыга Айсен Николаев.

2021 сыллаахха 59 тыһыынчаттан тахса Саха сирин 13 куоратыттан уонна тыа сириттэн сылдьар олохтоохторо тупсарыллар территорияны талан онлайн куоластааһыҥҥа кыттыспыттара. Куоластааһын түмүгүнэн Ньурбаҕа, Майаҕа, Айхал бөһүөлэгэр, Уус- Маайа дэриэбинэлэригэр, Сунтаарга, Үөһээ Бүлүүгэ, Кэбээйигэ, Аппааныга, Намҥа, Өлөөҥҥө, Ньүүйэҕэ 11 паарка уонна сквер тутуллар буолбута.

Следите за самым важным и интересным в Telegram-канале и WhatsApp-группе ЯСИА