7 От ыйа 07.07
  • 15°
  • $ 78,84
  • 93,01

«Туостаах-Киһилээх" турбаза үлэһиттэрэ сүппүт кыыһы буллулар

19:04, 04 июля 2016
Текст:
Читайте нас на
Яндекс Новости
ЯДВ

От ыйын 4 күнүгэр «Туостаах-Киһилээх» турбаза салайааччыта Владимир Чириков эрэдээксийэҕэ эрийэн Киһилээх хайатыгар сүппүт кыыс көстүбүтүн туһунан үөрүүлээх сонуну иһитиннэрбитэ.


Киһилээх хайатыгар кыыс үс күн устата муна сылдьыбыт. Предприниматель этэринэн, Николай уонна Геннадий Чириковтар кыыһы көрдүүр үлэҕэ кыттыспыттар.  Адыаччы өрүскэ баар ГЭС уонна «Үрүҥ Кумах» диэн сиргэ киһи сылдьыбы суолун булбуттар. Кыыс быһа холуйан 20 км. барбыт. Сүтэн баран көстүбүт кыыс биллэн турар, куттаммыт, ол эрээри туруга үчүгэй.

«Кыыс аймахтарын көрдөһүүлэринэн көрбүөччүлэр Александр Артемьев –Кулан уонна Татьяна Рожина кыыһы көрдөөһүҥҥэ ылсыбыттара уонна баар сирин чопчу ыйбыттара. Ити биллэн турар, буларга улаханнык көмөлөстө», — диир В.Х.Чириков.

«Северное сияние» турфирма салайааччыта Елена Слепцова, кыыс аймахтара «Арктика» ХЭТ генеральнай дириэктэригэр В.Х.Чириковка махталлара муҥура суох улахан.

Следите за самым важным и интересным в Telegram-канале и WhatsApp-группе ЯСИА