25 От ыйа 25.07
  • 29°
  • $ 86,55
  • 94,38

Тумул сэлиэнньэтигэр бары дьиэлэргэ сайыҥҥы уу турбатын тардыахтара

18:43, 12 апреля 2018
Текст:
Читайте нас на
Яндекс Новости
ЯДВ

Олохтоох көҕүлээһиннэри өйүүр бырагыраама чэрчитинэн 2018 сылга Уус Алдан улууһун Тумул сэлиэнньэтигэр кэтэх ыал дьиэлэригэр сайыҥҥы уу турбатын тардыахтара.

Бүгүн сайыҥҥы кэмҥэ сэлиэнньэ сорох өттө эргэ турбаттан уунан хааччыллар. Бу тиһик эргэ буолан, өрөмүөҥҥэ наадыйар. Уопсай мунньахха олохтоохтор уунан хааччыллыы иһин куоластаабыттара”, — диэн Тумул дьаһалтатын баһылыга Василий Алексеев СИА-ҕа иһитиннэрдэ.

Кини этэринэн, саҥа уу турбатын тутууга уона таҥыыга аныгы пластиковай турбалар туһаныллыахтара, ону тэҥэ носуос станциятын оҥоруохтара. 700 киһи олорор Тумул сэлиэнньэтигэр уу чугастааҕы күөлтэн тиийиэҕэ.

Бу сыалга өрөспүүбүлүкэ бүддьүөтүттэн субсидия быһыытынан 1 мөл солк бэриллибитэ. Кыттыгас үбүлээһин усулуобуйатыгар олохтоох бүддьүөккэ 300 тыһыынча көрүллүбүтэ. Өссө 300 тыһыынча солкуобайы олохтоохтор хомуйуохтара. Биир ыалтан усунуос кээмэйэ — 1,5 тыһыынча солкуобай.

Руслан Басыгысов, СИА

Следите за самым важным и интересным в Telegram-канале и WhatsApp-группе ЯСИА