24 От ыйа 24.07
  • 16°
  • $ 87,3
  • 95,46

“Туллукчаан” кырачааннары көрсөргө бэлэмнэннэ

15:59, 23 августа 2018
Текст:
Читайте нас на
Яндекс Новости
ЯДВ

Дьокуускай куораттааҕы 10-с №-дээх “Туллукчаан” уһуйаан — оҕону төрөөбүт тылынан иитиигэ-үөрэтиигэ өрөспүүбүлүкэҕэ биир бастыҥ үлэлээх, бөдөҥ тэрилтэ. Манна 17 бөлөххө сыллата 500-тэн тахса оҕо сылдьар.


Бу детсаад 1980 сыллаахха үөрүүлээхтик аһыллыыта киин куорат олохтоохторугар умнуллубат түгэнинэн буолбута. Оҕону сахалыы тылынан иитэргэ-үөрэтэргэ усулуобуйаны тэрийиигэ биир улахан хардыы оҥоһуллубута. Педагогическай наука кандидата, СӨ Үөрэҕириитин үтүөлээх үлэһитэ Татьяна Семеновна Сантаева салайар кэлэктиибин бастыҥ уопута билигин  өрөспүүбүлүкэҕэ, дойдуга киэҥник тарҕанар.

Быйыл уһуйааҥҥа сибиэһэй оҕуруот аһын харайарга аналлаах саҥа овощехранилище тутулунна уонна кэлэктиипкэ биир саамай үөрүүлээҕэ —  “Саханефтегазсбыт” АУо шефтии көмөтүнэн, детсаад ас астыыр сирэ – пищеблога хапытаалынайдык өрөмүөннэннэ. Итиэннэ, биллэн турар, сыл аайы буолар косметическай, тупсарар, саҥардар ис-тас үлэлэр ыытылыннылар.

Ол курдук, барыта сибиэһэй кыраасканан сотулунна, батареялар сабыылара саҥардылынна,  тиэргэҥҥэ саҥа тренажердар туруорулуннулар, уһуйаан ыһыахтыыр сирэ тупсарылынна, өссө киэркэйдэ. Онон, сайыҥҥы 1,5-2 ыйдаах өрөмүөн үлэтэ ситиһиилээхтик түмүктэнэн, уһуйаан оҕолору көрсөргө бэлэм буолла.

Үгэс быһыытынан, аны аҕыйах хонугунан — оптуорунньукка, быйыл уһуйааммытыгар саҥа кэлэр оҕолор ийэлэрин-аҕаларын – 130 төрөппүтү түмэн, уһуйааммыт туһунан сиһилии кэпсиэхпит, билиһиннэрэр экскурсия оҥоруохпут. Оттон балаҕан ыйын 3 күнүгэр быйылгы үөрэхпит дьылын саҕалаан, иитиллээччилэрбитин көрсүөхпүт, — диэтэ Татьяна Семеновна.

Татьяна МАРКОВА.

Следите за самым важным и интересным в Telegram-канале и WhatsApp-группе ЯСИА