150 тыһыынча солкуобай суумалаах сертификаты уонна Аар Дархан Дархан ааты ылла Дьокуускайтан Уйгулаах саарын кыыһа, Мэҥэ Хаҥаластан Денис Оконешников уонна Сунтаартан Евдокия Захарова.
Дьокуускайтан виртуоз хомусчут Владимир Дормидонтов уонна Мария Иванова 50 тыһыынча солкуобайдаах сертификаттары туттулар.
Куонкурус икки күн туура тэбэн туран ыытылынна, 55 толорооччу кытынна. Тэрийээччилэр бэлиэтээбиттэринэн, быйыл Бүлүүттэн, Горнайтан, Намтан, Амматтан, Уус Алдантан, Сунтаартан, Ньурбаттан, Мэҥэ Хаҥаластан, Тааттаттан, Томпоттон, Эбээн Бытантайтан тиийэ кэлэн кытыннылар.
Бастакы күн дьиэ кэргэн, оҕо аймах сылларыгар анаммыт тиэмэлэр туойулуннулар. Иккис күн араас тиэмэ бэрилиннэ: айылҕа, култуура, мифология. Манна этээччигэ 10 мүнүүтэ бэриллэр.
Быйылгы кыайыыга ааттаах Аар Дарханнар, үтүөлээх этээччилэр, саҥа саҕалааччылар кытыннылар диэн тэрийээччилэр кэпсээтилэр.
Хаартыска: Нарыйа Пахомова, ЯСИА
