Туймаада ыһыаҕа быйыл бэс ыйын 29-30 күннэригэр 27-с төгүлүн «Үс Хатыҥҥа ыытыллыаҕа», Россияҕа дьиэ кэргэн, Саха сиригэр оҕо саас сылларыгар ананыаҕа. Ол туһунан куорат дьаһалтатын култуураҕа салайааччыта Индира Ли эттэ.
Дьаһалта пресс-сулууспатыгар эппиттэринэн, үгэс буолбут тэрээһиннэр ыытыллыахтара — оһуохай, кымыс иһиитэ, күнү көрсүү, олоҥхолооһун, национальнай таҥаһы көрдөрүү, Дыгын оонньуулара, ат сүүрдүүтэ.
Сылын аайы буоларын курдук, Туймаада ыһыаҕа дойду уонна аан дойду араас муннуктарыттан ыалдьыттары көрсөр. Саха төрүт сиэригэр-туомугар кыттыан баҕалаах сылын аайы эбиллэр.
2023 сылга национальнай бырааһынньыкка икки күн устата 230 тыһыынчаттан тахса киһи кыттыыны ылбыта биллэр.
This post was published on 25.04.2024 15:01 15:01