7 Алтынньы 07.10
  • -4°
  • $ 60,25
  • 58,24

«Туймаада» үөрэнээччилэр олимпиадаларыгар ССРС норуодунай учуутала Михаил Алексеев аатын иҥэриэхтэрэ

«Туймаада» норуоттар ардыларынааҕы үөрэнээччилэр олимпидаларыгар ССРС норуодунай учуутала, ССРС норуотун үөрэҕириитин туйгуна, Саха АССР уонна РСФСР оскуолаларын үтүөлээх учуутала Михаил Андреевич Алексеев аатын иҥэриэхтэрэ. «Туймаада» быйыл 29 төгүлүн бэс ыйын 30 — от ыйын 10 күннэригэр II норуоттар ардыларынааҕы интеллектуальнай оонньуулар чэрчилэринэн ыытыллыаҕа, СИА регион сүрүн пресс-сулууспатыгар сигэнэн суруйда.

Бырабыыталыстыба вице-премьера Ольга Балабкина бэлиэтээбитинэн, Михаил Алексеев физиканы уонна математиканы дириҥэтэн үөрэтии оскуолатын Саха сиригэр бастакынан саҕалаабыт, физика-математика хамсааһынын көҕүлээччитинэн, физика-математика үөрэҕин реформаторынан, хайысхалаах үөрэх инноваторынан буолар.

1966 сыллаахха Үөһээ Бүлүүтээҕи орто оскуола баазатыгар физика-математика хайысхалаах бастакы кылаастар арыллыбыттара. 1974 сыллаахха №2-дээх Үөһээ Бүлүүтээҕи орто оскуола, билигин М.А. Алексеев аатынан гимназия, өрөспүүбүлүкэтээҕи физиканы-математиканы дириҥэтэн үөрэтэр оскуола статуһун ылыммыта.

Ил Дархан Айсен Николаев бэйэтин кэмигэр бу оскуоланы кыһыл көмүс мэтээлинэн бүтэрбитэ. Кини Михаил Андреевич саха норуота естественнай наукаларга, техникаҕа уонна технологияҕа сыстыытыгар туһаайбыт улуу киһи буолар диэн санаатын эппитэ.

Следите за самым важным и интересным в Telegram-канале и WhatsApp-группе ЯСИА
0
0