20 От ыйа 20.07
  • 19°
  • $ 88,02
  • 96,04

ЦИК СӨ Ил Дарханын дуоһунаһыгар хандьыдааттары бигэргэттэ

19:28, 31 июля 2018
Текст:
Читайте нас на
Яндекс Новости
ЯДВ

От ыйын 30 күнүгэр СӨ Киин Быыбардыыр Хамыыһыйата Ил Дархан дуоһунаһыгар Айсен Николаевы, Виктор Губаревы, Гаврил Парахины уонна Владимир Богдановы хандьыдаат быһыытынан бигэргэттэ.  


Балаҕан ыйын 9 күнүгэр Өрөспүүбүлүкэбит Ил Дарханын талар быыбар буолар. Бэҕэһээ Киин Быыбардыыр Хамыыһыйа Ил Дархан эбээһиннэһин быстах кэмҥэ толорор, «Биир Ньыгыл Арассыыйа» паартыйаттан турунар Айсен Николаевы, Ил Түмэн спикерын солбуйааччытын, КПРФ паартыйаттан турунар Виктор Губаревы, «АЛРОСА» АХ инженерын, Миирнэй оройуоннааҕы сэбиэтин дьокутаатын, «Сиэрдээх Арассыыйа» паартыйа бэрэстэбиитэлин Владимир Богдановы уонна урбаанньыты, норуот дьокутаатын, ЛДПР паартыйаттан турунар Гаврил Парахиныбыыбарга хандьыдааттарынан ааттаата.  

Хандьыдааттар докумуоннарын бэрэбиэркэлээһин от ыйын 26 күнүгэр бүппүтэ. Сэттэ киһи сайабылыанньа биэрбититтэн түөрт киһи кыттар. Эрнст Березкин уонна Алексей Лаптев хандьыдаат буолбатылар. Александр Силин докумуоннара ситэтэ суох буолан, киниэхэ извещение ыытыллыбыта.

Санатан суруйдахха,, балаҕан ыйын 9 күнүгэр СӨ олохтоохторо Ил Дарханы, норуот дьокутааттарын, Дьокуускай куорат думатын саҥа састаабын, 15 улуус, 20 нэһилиэк баһылыгын, 22 оройуон уонна 7 нэһилиэк дьокутаатын талыахтара.

Николай Попов, «Саха сирэ» хаһыат, edersaas.ru

Следите за самым важным и интересным в Telegram-канале и WhatsApp-группе ЯСИА