Россия Президенин боломуочуйалаах бэрэстэбиитэлэ Юрий Трутнев Тырааныспар министиэристибэтигэр, Росавиацияҕа уонна РФ Уһук Илини сайыннарыыга министиэристибэтигэр “Аэрофлот” хампаанньаны кытта бииргэ Уһук Илиҥҥэ авиабилиэт тиийбэт кыһалҕатын быһааралларыгар сорудахтаата, диэн бэрэстэбиитэлистибэ пресс-сулууспатыгар иһитиннэрэллэр.
“Уһук Илиҥҥэ авиакөтүүлэр сытыы боппуруостартан биирдэстэринэн буолаллар. Регион олохтоохторо киин регионнарга хаайтарыыта суох айанныылларыгар, Крым уонна Кавказ куруортарыгар сынньаналларыгар бары миэрэлэр ылыллаллар. Салгынынан сырыыга субсидиялаах тиэйиини хааччыйар миэрэлэр ситэтэ суохтар. Уһук Илиҥҥэ киһи хаайтарбакка айанныахтаах”, — диэн Трутнев этиитин пресс-сулууспата тириэрдэр.
Росавиация чахчытынан, быйыл 446,7 тыһыынча пассажир 57 хайысханан чэпчэтиилээх билиэтинэн туһанар кыахтаах. Уһук Илиҥҥэ салгын линияларын субсидиялааһын бырагырааматынан сэттэ авиахампаанньа киирдэ: “Аэрофлот-Российские авиалинии”, “АЛРОСА”, “Норд Стар”, “Сибирь”, “Уральские авиалинии”, “ЮТэйр” унна “Якутия”.
СИА.
