Байаҕантай нэһилиэгэр балыыһа уонна спортивнай саала тутуута саҕаланыаҕа. Эбийиэктэр тустарынан Томпо улууһугар Саха сирин бырабыыталыстыбатын отчуотун кэмигэр Томпо улууһун Кириэс-Халдьаайы нэһилиэгин олохтоохторо ыйыталастылар, диэн СИА кэпсиир.
Быйыл Ударник нэһилиэгэр фельдшерскэй-акушерскай пуун тутуллуоҕа. Өрөспүүбүлүкэ бырабыыталыстыбатын отчуотун кэмигэр нэһилиэнньэ Кириэс-Халдьаайыга балыыһа лабораториятын тутуу туһунан боппуруоһу туруорда.
«Эһиилгиттэн тутуу саҕаланыаҕа, бу туһунан тустаах быһаарыы баар», — диэтэ Майя Данилова.
Маны таһынан, нэһилиэнньэ спортивнай саала тутуутун туруорсар. Бырабыыталыстыба отчуотун кэмигэр иһитиннэрбиттэринэн, эбийиэк хайыы-үйэ тыа хаһаайыстыбатын министиэристибэтин линиятынан тыа сирин кэлимник сайыннарыы бырагырааманан сайаапка ылыы бастакы түһүмэҕин ааспыт.
This post was published on 16.02.2023 11:03 11:03