Дьокуускайдааҕы көтөр фабрикатыттан оройуоҥҥа кууруссаны илдьэн биэрдилэр. Бастакы партияны бэс ыйын 4 күнүгэр икки нэһилиэк олохтоохторугар аҕалбыттар.
Томпо улууһун тыа хаһаайыстыбатын управлениетын исписэлииһэ Николай Васильев кэпсииринэн, оройуон олохтоохторо кууруссаны атыылаһыыга сайаапкалары түһэрбиттэр. Ылыан баҕалаахтар син элбэхтэр эбит.
Сайаапкалар Хандыга (421 төбө), Джебарики-Хая (60 төбө), Тополинай (40), Охотскай Перевоз (50), Новый (88), Мэҥэ- Алдан (198), Кэскил (273), Кириэс-Халдьаайы (269) олохтоохторуттан киирдилэр.
Сымыыттыыр кууруссалары Мэҥэ-Алдан, Кириэс-Халдьаайы нэһилиэктэр олохтоохторо ыллылар. Уоннааҕытын бу нэдиэлэҕэ тиксэриэхтэрэ диэн Ulus Media суруйар.
This post was published on 07.06.2022 10:01 10:01