19 Кулун тутар 19.03
  • -7°
  • $ 91,98
  • 100,24

Томпо улууһугар оҕолору кырбаабыт икки эр киһи суут иннигэр эппиэттиэхтэрэ

Читайте нас на
Яндекс Новости
ЯДВ

Томпо оройуонугар икки эр киһи подросток уолаттары кырбаабыттар, биирдэстэрин өлөрүөхпүт диэн куттаабыттар. Прокуратура холуобунай дьыалаҕа буруйдуур түмүктэри бигэргэттэ диэн, биэдэмистибэ пресс-сулууспатыгар иһитиннэрдэ.

Эр дьон оҕолор доруобуйаларыгар соруйан буортуну оҥорууга буруйданаллар.

Силиэстийэ сабаҕалыырынан эр дьон, 2022 сыл атырдьах ыйын бүтүүтэ икки саастарын ситэ илик оҕолору уулуссаҕа көрсөн, тус бэйэлэрэ сөбүлээбэттэрин көрдөрөн, кырбаабыттар. Онтон оҕолору массыынаҕа олордон, Алдан өрүс биэрэгэр таһаарбыттар, онно салҕыы кырбаабыттар.

«Биирдэстэрин өлөрүөхпүт диэн куттаабыттар уонна ууга тимирдэ сатаабыттар. Ситэ илик оҕо буруйданааччылар өлөрүөхпүт диэн сааммыттарын дьиҥнээхтик өлөрүөхтэрэ дии санаабытын учуоттаан, холуобунай дьыала суукка ыытылынна», — диэн өрөспүүбүлүкэ прокуратуратын пресс-сулууспата иһитиннэрдэ.

Прокуратура холуобунай дьыалаҕа буруйдуур түмүктэрин бигэргэттэ.

Следите за самым важным и интересным в Telegram-канале и WhatsApp-группе ЯСИА
Тутаах тыллар