Быйыл Томпо улууһугар күн сирин көрбүт оҕоҕо өрөспүүбүлүкэтээҕи төлөбүр үрдүнэн, олохтоох бэйэни салайыныы бүддьүөтүттэн 25-тии тыһыынча солкуобайы эбии төлүөхтэрэ.
Бу туһунан Саха АССР 100 сылынан тэрийэр кэмитиэккэ улуус баһылыга Яков Степанов иһитиннэрдэ.
«2022 сылы Ил Дархан Ийэ сылынан биллэрбитэ, онон Томпо улууһугар Дьиэ кэргэн сылын биллэрдибит. Быйыл күн сирин көрбүт оҕоҕо улуус сэбиэтин дьокутааттара биир кэмнээх 25-тии тыһыынча солкуобай эбии төлөбүрү олохтоохтотулар», — диэтэ кини.
Онон быйыл оҕоломмут Томпо дьиэ кэргэттэрэ Саха АССР 100 сылынан 125-тии тыһыынча солкуобайы ылыахтара.
Итиэннэ Кыайыы күнүнэн Аҕа дойду Улуу сэриитин, тыыл бэтэрээннэригэр, огдооболоругар уонна оҕолоругар улуус бүддьүөтүттэн харчынан бириэмийэ көрүллүө.
Источник: @nvk_sakha
