23 От ыйа 23.07
  • 17°
  • $ 87,78
  • 95,76

Томпо гимназиятыгар Вячеслав Штыров аатын иҥэрдилэр

16:36, 21 мая 2018
Текст:
Читайте нас на
Яндекс Новости
ЯДВ

Мантан инньэ Томпотооҕу элбэх хайысхалаах гимназия Саха сирин иккис бэрэсидьиэнин, Уһук Илин уонна Байкал регионун сайдыытын боппурустарыгар сэбиэтин бэрэссэдээтэлэ, Федерация Сэбиэтин оборонаҕа уонна куттал суох буолуутугар кэмитиэтин чилиэнэ Вячеслав Анатольевич Штыров аатын сүгүөҕэ. Маннык уурааҕы VII ыҥырыылаах оройуон сэбиэтин дьокутааттарын бэһис сессиятыгар ылыннылар. Бу туһунан ulus.media сайтыгар суруллар.


1998 с. тэриллибит гимназия улууска уонна өрөспүүбүлүкэҕэ бастыҥнартан биирдэстэрэ.

20 сыл устата гимназия 542 үөрэнээччини олох киэҥ аартыгар таһаарда. Кинилэр ортолоругар 75 кыһыл көмүс уонна 53 үрүҥ көмүс мэтээллээхтэр бааллар. Хас сыл кэллэҕин аайы Вячеслав Штыров гимназияҕа сылдьар үгэстээх.

“Бу бэлиэ түгэн гимназия 20 сылын уонна Вячеслав Анатольевич 65 сааһын, ону тэҥэ кэтэһиилээх гимназиябыт дьиэтин тутуута саҕаламмытын кытта сөп түбэспитэ үөрүүлээх”, — диэтэ тэрилтэ дириэктэрэ Петр Новгородов.

Гимназияҕа Вячеслав Анатольевич аатын иҥэрии үөрүүлээх тэрээһинэ балаҕан ыйын 1 күнүгэр ыытыллыаҕа.

СИА.

Следите за самым важным и интересным в Telegram-канале и WhatsApp-группе ЯСИА