Алдан улууһун Томмоттооҕу психоневрологическай интэринээтигэр коронавирус дьаҥа тарҕаммытынан бэрэбиэркэ бүгүн түмүктэнэрин туһунан, бырабыыталыстыба бэрэссэдээтэлин солбуйааччы Ольга Балабкина брифинг кэмигэр эттэ.
Санатар буоллахха, тэрилтэҕэ от ыйын 9 күнүгэр интэринээт эмчитэ ковидынан ыалдьыбыта биллибитэ. Сарсыныгар интэринээккэ толору хааччахтааһын биллэриллибитэ. Билигин манна быраастар үлэлииллэр.
Балаһыанньаны миэстэтигэр билсэ үлэ миниистирин бастакы солбуйааччы Иван Алексеев барбыта. Ыарыһахтары кытары быраастар үлэлииллэр, алтыспыт дьон быһаарыллан туспа тутулуннулар.
«Ааспыт өрөбүллэргэ интэринээт олохтоохторун, үлэһиттэрин хос бэрэбиэркэлээтилэр. Эрдэ интэринээт олохтооҕо туохтан өлбүтүн быһаараллар. Тэрилтэ салайааччыта бэрэбиэркэ бүтүөр диэри үлэтиттэн босхолонно», — диэн Ольга Балабкина иһитиннэрдэ.
Суһал ыстаап өрөспүүбүлүкэ атын интэринээттэригэр туһаайан ирдэбиллэри булгуччу тутуһалларыгар эттэ.
Сиһилии манна аах https://ysia.ru/rassledovanie-v-tommotskom-psihonevrologicheskom-internate-zavershitsya-segodnya/
This post was published on 13.07.2020 17:01 17:01