26 От ыйа 26.07
  • 16°
  • $ 85,41
  • 93,17

Томмокко гитаранан ырыа куонкуруһа буолла

16:41, 21 августа 2018
Текст:
Читайте нас на
Яндекс Новости
ЯДВ

Бу өрөбүллэргэ Алдан улууһун Томмот куоратыгар “Доҕордоһуу кытыла” ааптардар ырыаларын гитаранан толорууга өрөспүүбүлүкэтээҕи фестиваль буолан ааста. Тэрээһиҥҥэ барыта 150 кыттааччы кэллэ.

 Бу фестиваль 12 төгүлүн ыытыллар. Быйылгы тэрээһин Олоҥхо ыһыаҕар, Алдан оройуонугар биллэриллибит Доҕордоһуу уонна сомоҕолоһуу сылыгар, Мэҥэ Хаҥалас уонна Алдан оройуона 50 сыллаах доҕордоһууларыгар ананна. Манна барыта 150 киһи кытынна. Ол курдук, Тындаттан, Благовещенскайтан, Новой Чараттан, Магадантан, Хабаровскайтан, Москваттан, Санкт Петербуртан, Краснодартан, Новосибирскайтан, Владивостоктан, Хабаровскайтан, Саха сириттэн, Алдантан, Нерюнгриттан, Мирнэйтэн, Ленскэйтэн, Дьокуускайтан, Мэҥэ Хаҥаластан, Хаҥаластан, Чурапчыттан ырыаһыттар, хоһоон ааптардара кытыннылар.

Түмүккэ “Хоһоон, ырыа бастыҥ ааптара” номинация кыайыылааҕынан Алдантан Ульяна Зверева, “Бастыҥ хоһоон ааптарынан” – Нерюнгриттан Ирина Кичигина, “Музыка бастыҥ ааптарынан” – Чурапчы улууһун Хоптоҕо нэһилиэгиттэн Марианна Макарова буоллулар. “Бу фестивальга кыыспынаан Майялыын кытынныбыт. Өлүөхүмэттэн төрүттээх Эдуард Корнилов хоһооннорунан ырыаларбын толорбутум. Бу фестивальга быйыл бэсиһин кытанным. Маннык тэрээһиннэр ырыаһыттары, ааптардары сомоҕолууллар, биир санааҕа аҕалаллар. Ону сэргэ ырыалар айыллалларыгар, төһүү күүс буолар. Мин музыканан устудьуоннуур сылларбыттан үлүһүйэбин, сөбүлээн дьарыктанабын. Быйыл 11 ырыам хомуллан “Шаманка-вьюга” диэн альбом буолан таҕыста. Бу иннинэ 2014 с. “Санааларбын кынаттаан” диэн бастакы хомуурунньугум тахсыбыта”, — диэн бэлиэтиир Марианна Тимофеевна.

“Бастыҥ толорооччу” номинацияҕа Нерюнгриттан сылдьар ырыаһыт Егор Харченко, “Жанрга бэриниилээҕин иһин” номинацияҕа Алдантан Александр Богдановааттаннылар. Ону сэргэ “Хотугу ырыаларга” Милена Третьякова (Алдан), Ольга Янцен (Дьокуускай), Туйаара Петрова (Покровскай), Владимир, Александр Кузьминнар, (Аллараа Бэстээх), Дмитрий Санников (Майя), Валентина Волкова(Алдан) номинация хаһаайыннарынан буоллулар.

Маны таһынан оҕолорго “Котофеевский” диэн эмиэ туспа фестиваль буолбута. Оҕолорго Гран-при үрдүк аатын Томмот оскуолатын үөрэнээччитэ Олеся Котовщикова ылла.

Аграфена КУЗЬМИНА, edersaas.ru

Следите за самым важным и интересным в Telegram-канале и WhatsApp-группе ЯСИА