17 От ыйа 17.07
  • 18°
  • $ 88,28
  • 96,26

Тойбохойдооҕу оҕо дьиэтэ сабыллар кутталлаах

15:15, 09 февраля 2017
Текст:
Читайте нас на
Яндекс Новости
ЯДВ

«Тойбохойдооҕу оҕо дьиэтин сабаары гыналлар. «Дорожнай картаҕа» ликвидацияҕа барарын туһунан киллэрбиттэр. Тэрилтэбит сабыллар түгэнигэр 70 киһи үлэтэ суох хаалар!», — диэн толорор былаас отчуотун кэмигэр Тойбохойго ыытыллыбыт мунньахха оҕо дьиэтин юриһа Светлана Мамонтова иһитиннэрдэ. Бу туһунан edersaas.ru ааҕыҥ.


Тойбохойдооҕу оҕо дьиэтэ өрөспүүбүлүкэ биир кырдьаҕас тэрилтэлэриттэн биирдэстэрэ. Ааспыт үйэҕэ — 1940 сыллаахха тэриллибит кыһа быйыл 77 сылын бэлиэтиэхтээх. Билигин өрөспүүбүлүкэ араас муннуктарыттан, ол иһигэр Анаабыртан, Чурапчыттан, Бүлүүттэн, Мэҥэ Хаҥаластан уопсайа 30 оҕолоохтор. Оҕо дьиэтэ 70-ча үлэһиттээх. Мантан аҥаара эдэр исписэлиистэр. Ааспыт ыйга Дьокуускай куоракка ыытыллыбыт мунньах кэмигэр Тойбохойдооҕу оҕо дьиэтэ «Дорожнай каартаҕа» киллэриллэн, 2019 сыл иккис аҥаарыгар сабыллыахтааҕын туһунан иһитиннэрбиттэр.

«Ликвидация туһунан отчуот кэмигэр этимэҥ, тугу да туруорсумаҥ диэн модьуйбуттара. Ол да буоллар, син биир санаабытын тиэртэхпитинэ табыллар. Үлэтэ суох хаалыахпытын баҕарбаппын»,- диэн тэрилтэ салайааччыта Роман Догойдонов санаатын аһаҕастык эттэ.

Онуоха, вице-премьер Петр Алексеев баар кыһалҕаны кистиир, саба тутар сыыһатын ыйан туран: «Ким этимэҥ диэбитэй?»,- диэн кытаанахтык эттэ. Итиэннэ бу боппуруоһу хайаан да үөрэтэн, иннин-кэннин быһаарыан туһунан эрэннэрдэ. Оттон Федерация Сэбиэтин чилиэнэ Александр Акимов үөскээбит балаһыанньаны күүркэппэккэ, сөптөөхтүк туруорсарга сүбэлээтэ уонна көмөлөһүөх буолла.

Отчуот кэнниттэн Петр Николаевич улуус баһылыга Анатолий Григорьевы кытта оҕо дьиэтин куорпустарын баран көрдүлэр-иһиттилэр, үлэһиттэри кытта кэпсэттилэр. Түөрт куорпуһунан арахсан, оҕолор биир дьиэ кэргэн курдук олорор усулуобуйалара тэриллибит. Биирдии дьиэҕэ 7-8 оҕо олорор. Иккилии иитээччилээхтэр. Өрөспүүбүлүкэ үрдүнэн сахалыы тыллаах оҕо дьиэтэ Тойбохойго эрэ баарын бэлиэтээн этиэх тустаахпын. Өскөтүн тэрилтэ сабыллар түгэнигэр, оҕолор ханна бараллар диэн ыйытыы үөскээн тахсар.

Тэрилтэ сыллааҕы бүддьүөтэ 60 мөл. солк., онтон аҥаара үлэһиттэр хамнастарыгар барар.

Следите за самым важным и интересным в Telegram-канале и WhatsApp-группе ЯСИА