Намыһах температура турар буолан, Дьокуускай куорат суһал штаба тутуллубут ыттары быстах кэмҥэ тутар сиртэн босхо ыытарга мораторий биллэрдилэр. Тохсунньу бүтүөр диэри дьоҥҥо-сэргэҕэ кутталлаах ыттары тутуохтаахтар.
Бэйдиэ сылдьар ыттары быстах кэмҥэ тутар пуун билиҥҥи туругунан, 200 ыты тутар кыамталаах. Билигин быстах кэмҥэ тутар пуун кыамтатын улаатыннарарга үлэ ыытыллар. Аччаабыта, тохсунньу бүтүөр диэри, ыттары бу пуунтан таһаарыахтара суоҕа.
Ахсынньы 29 күнүттэн тутуллубут ыттар бары стерилизация уонна вакцинация процедуратын ааһыахтара, ветеринарнай сулууспа ыттар төһө кутталлаахтарын быһаарарга экспертизалары ыытыаҕа. Онно олоҕуран, салгыы бу ыттары хайдах дьаһайыахха сөбүн быһаарыахтара.
