24 Ыам ыйа 24.05
  • -7°
  • $ 104,68
  • 115,6

Тохсунньу 24 күнэ. 1892 сыллаахха Эрилик Эристиин төрөөбүт - Бикипиэдьийэ

08:58, 24 января
Текст:

Бэлиэ күннэр

  • Flag of the United Nations.svg ХНТ — Үөрэҕирии аан дойдутааҕы күнэХНТ билэринэн хамсыктан сылтаан балтараа миллиард оҕо оскуолаҕа сылдьар кыаҕа суох буолла. Сорохтор тэйиччиттэн үөрэххэ көстүлэр. Ол эрээри 463 мөлүйүөн оҕо оннук сатаан үөрэммэт – дьиэлэригэр көмпүүтэрдэрэ эбэтэр интэриниэттэрэ суох, эбэтэр ҕааддьыттары былдьаһаллар, холобур элбэх оҕолоох ыалларга. Ону таһынан сорох оскуолалар онлайн-үөрэҕи кыайан тэрийбэтилэр. «Үөрэҕи ылыы — киһи сүрүн бырааптарыттан биирдэстэрэ, оттон үөрэхтээх буолуу — дойдулар бигэ сайдар сүрүн тосхоллоро» — диир ХНТ Генеральнай сэкиритээрэ Антониу Гуттериш.
  • Эскимо күнэ
  • Flag of Romania.svg Румыния — Румыния княжестволарын холбоһууларын күнэ. 1859 сыллаахха тохсунньу 24 күнүгэр Молдавия уонна Валахия холбоспуттар
  • Flag of India.svg Ииндийэ — Уттар-Прадеш күнэ

Түбэлтэлэр

  • 41 — Үс Претория гвардеецтара Калигуланы утары саагыбар тэрийбиттэр, Рим импиэрийэтин ыраахтааҕытын, кини ойоҕун уонна кыыһын өлөрбүттэр. Сорох сенатордар маны туһанан өрөспүүбүлүкэни сөргүтэ сатаабыттар да, сатамматах, онон тиһэҕэр тыыннаах хаалбыт Калигула ыарыһах таайа Клавдий импэрээтэр буолбут.
  • 1758 — Сэттэ сыллаах сэрии кэмигэр Кенигсберг олохтоохторо Арассыыйа ыраахтааҕытыгар Елизавета Петровнаҕа бирисээгэ биэрбиттэр (олор истэригэр аатырбыт ньиэмэс бөлөһүөгэ Иммануил Кант баар этэ). Онон Пруссия 1763 сыллаахха диэри Арассыыйа импиэрийэтигэр киирэ сылдьыбыта.
  • 1848 — Калифорнияҕа Сакраменто куоратыттан чугас уу миэлиҥсэтин тута сылдьыбыт болуотунньук Джеймс У. Маршалл кыһыл көмүс булбут. Сотору кэминэн Калифорния көмүс түрүлгэнэ саҕаламмыта.
  • 1857 — Калькутта университета олохтоммут, Соҕуруу Азияҕа бастакы университет.
  • 1859 — Молдавия уонна Валахия княжестволара холбоспуттар (кэлин холбоһук Румыния диэн ааттаммыта). Баһылыгынан (домнитор диэн ааттанара) Александру Иоанн Куза буолбут.
  • 1919 — Арассыыйаҕа Гражданскай сэрии кэмигэр казактары утары охсуһуу туһунан РКП(б) 1КК Оргбюротун дирэктиибэтэ тахсыбыт. Мантан ыла казаактары социальнай бөлөх быһыытынан суох гынар соруктаах маассабай кыһыл террор саҕаламмыта.
  • 1931 — Москубаҕа «Ромэн» тыйаатыр олохтоммут, билигин үлэлиир сыгаан тыйаатырдарыттан саамай кырдьаҕастара.
  • 1944 — Корсунь-Шевченковскай эпэрээһийэ саҕаламмыт. Бу олунньу 17 күнүгэр диэри буолбут кыргыһыыга Кыһыл аармыйа чаастара 140 тыһыынча киһилээх ньиэмэс чаастарын Украина Корсунь-Шевченсковскай куоратыгар төгүрүйбүттэрэ уонна урусхаллаабыттара.
  • 1946 — Дьокуускайга Ойуулуур-дьүһүннүүр ускуустуба түмэлэ аһыллыбыт.
  • 1984 — Бастакы Apple Macintosh персональнай көмпүүтэр атыыга тахсыбыт.
  • 2010 — Саха тыйаатырыгар Кындыл Уйбаан 80 сааһыгар аналлаах поэзия киэһэтэ ыытыллыбыт. Тэрээһин режиссера — Матрена Корнилова. 1960—1970 сс. тыйаатыр Сөдүөт Потапов уонна Кындыл Уйбаан тыйаатыра диэн аатынан биллэрэ.

Төрөөбүттэр

Өлбүттэр

Следите за самым важным и интересным в Telegram-канале и WhatsApp-группе ЯСИА
9
0