Тохсунньу 12 күнүгэр Саха сирин хоту уонна хотугулуу-илин өттүгэр кыра хаар түһэрэ күүтүллэр, күнүс соҕуруулуу-арҕаа өттүгэр — сорох сирдэринэн орто хаар түһүөҕэ. Киин улуустарга туманнаах. Тыал орто. Ол туһунан Саха сиринээҕи УГМС иһитиннэрэр.
Салгын температурата түүн -45…-50°, хотугулуу-арҕаа уонна хотугулуу-илин намыһах сирдэринэн -50…-55°, соҕуруулуу-арҕаа уонна соҕуруу -40…-45°, Халыма-Индигир оройуоннарыгар -33…-38°буолуоҕа.
Күнүс -40…-45°, хоту уонна хотугулуу-арҕаа -47…-52°, соҕуруу -33…-38°, хотугулуу-илин -28…-33°күүтүллэр.
Дьокуускайга сөҥүү суох, хотугулуу-арҕааттан тыал 1-4 м/с, туман. Түүнүн -46…-48°, күнүс -40…-42°буолуоҕа.
This post was published on 12.01.2026 08:03 08:03