23 От ыйа 23.07
  • 17°
  • $ 87,78
  • 95,76

Тиксиигэ суоппардар “Арыгы уонна массыына бэйэ бэйэлэригэр дьүөрэлэспэттэр!” акцияны сөпсөһөллөр

10:45, 30 марта 2016
Текст:
Читайте нас на
Яндекс Новости
ЯДВ

Тиксии бөһүөлэгэр суол инспекциятын үлэһиттэрэ “Арыгы уонна массыына бэйэ бэйэлэригэр дьүөрэлэспэттэр!” диэн өрөспүүбүлүкэтээҕи акцияҕа кытыннылар.


Инспектор, полиция лейтенана Александр Соболев массыыналары тохтотон акция туһунан кылгастык кэпсээтэ, быһаарда уонна листовкалары биэртэлээтэ. Суһал көмө массыынатын уонна дьону тиэйэр оптуобус суоппардара эмиэ акцияҕа кытыннылар.

«Биһиги итирик туруктаах суоппардар суолга тахсыыларын тохтотуохтаахпыт. Өскөтүн тутуллар түгэнигэр, кини салгыы айаннаабат усулуобуйатын тэрийиэхтээхпит. Биһиги бары өйдүөх тустаахпыт, суол быһылааныгар ханнык баҕарар киһи түбэһиэн сөбүн, ол иһигэр чугас аймахпыт. Онон бэйэ-бэйэҕэ болҕомтолоох сыһыан ирдэнэр«, — диэтэ кини.

Акцияҕа кыттыбыт суоппардар бары маннык тэрээһин уруулга олорор киһини бэрээдэктиирин, кини суолга улахан эппиэтинэһи сүгэрин өссө биирдэ тоһоҕолоон бэлиэтиирин эттилэр.

Следите за самым важным и интересным в Telegram-канале и WhatsApp-группе ЯСИА