Тиксиигэ эбэлэр күрэхтэстилэр

Тиксиитээҕи киин библиотека үлэһиттэрэ уонна инбэлииттэр уопсастыбалара тыыл уонна үлэ бэтэрээннэригэр анаан «Супер бабушки» диэн бэрт интэриэһинэй күрэҕи тэ­рийэн ыыттылар. Оонньуу «Бары – биһиги туспутунан, бары – дьахталлар тустарынан» диэн сүрүн тиэмэлээх ыытылынна.

Оонньуу үс түһүмэҕинэн барда. Быыһыгар ытык кырдьаҕастарбытыгар ас куонкуруһа тэрилиннэ. Оонньуу кыайыылааҕынан Марина Николаевна Прохорчук ааттанна уонна массаастыыр электрическэй грелка-сыттыгы бэлэх тутта.
Бу дьоро киэһэни иилээн-саҕалаан Людмила  Корякина ыытта. Зоя Никулина «Ийэҕэ махтал», Надежда Апросимова «Ийэбэр» ырыаларын ытыктабыллаах дьоммутугар – эбэлэрбитигэр — бэлэх ууннулар.