Тиксии — Ньайба сайдыытын былааныгар биэс соцэбийиэк тутуллара этилиннэ, олор истэригэр поликлиника уонна стационар, быраас амбулаторията, ону медицина тэрилинэн уонна миэбэлинэн хааччыйыы киирэллэр.
Сорудаҕы Россия президенэ Владимир Путин, Арктика тирэх нэһилиэнньэлээх пууннарын сайыннарыы биир кэлим былааныгар олоҕуран, биэрдэ. Кремль саайтыгар таҕыста, суруйар ТАСС.
Тиксиигэ 2027 — 2029 сылларга поликлиника уонна стационар тутуута, 2027 — 2028 сылларга Ньайбаҕа быраас амбулаторията уонна ону медицина тэрилинэн, миэбэлинэн хааччыйыы, 2027 — 2028 сылларга Тиксиитээҕи оҕо поликлиникатыгар хапытаалынай өрөмүөн, тэрилинэн хааччыйыы киирдилэр. Маны сэргэ Ньайбаҕа 2032-2034 сылларга элбэх хайысхалаах спорт уонна култуура киинэ тутуллар.
Сорудахха эбии агломерация сайдыытын былааныгар Тиксиигэ 2027 — 2028 сылларга канализационнай-ыраастыыр эбийиэк уонна Нееловаттан бөһүөлэги ыраас уунан хааччыйар систиэмэни саҥардыы барыаҕа, ол эбэтэр 2027 — 2028 сылларга Тиксии олохтоохторун иһэр ыраас уунан хааччыйыы үлэтэ ыытыллыаҕа.
This post was published on 19.05.2025 12:03 12:03