Дьокуускайга муус устар 18 күнүгэр «Россия – моя история» история пааркатыгар анал байыаннай дьайыы кыттыылаахтарыгар уонна кинилэр дьиэ кэргэттэригэр үлэ вакансиятын таһаарар дьаарбаҥка буолар. Дьаһал федеральнайдааҕы таһымнаах. Ол туһунан нэһилиэнньэ дьарыктаах буолуутугар кэмитиэт бэрэссэдээтэлин солбуйааччыта Георгий Борисов эттэ.
Дьаарбаҥкаҕа толорор былаас федеральнай уорганнарын, Саха сирин былааһын толорор уорганнарын, бизнес сайдыытын институттарын бэрэстэбиитэллэрэ, предпринимателлэрэ уонна идэлээх сойуустар холбоһуктара кыттыыны ылыахтара.
«2025 сылга анал байыаннай дьайыы кыттыылаахтарыгар уонна кинилэр дьиэ кэргэттэригэр үлэҕэ квота 485 тэрилтэҕэ 885 үлэ миэстэтигэр оҥоһулунна. Кэмитиэт үлэни биэрээччилэр уонна үлэ миэстэтин баанын оҥорор. Үс тыһыынчаттан кырата суох үлэ миэстэтин таһаарыахтаахпыт», — диэтэ Георгий Борисов.
This post was published on 26.03.2025 12:06 12:06