Температура эмискэ үрдээһинэ Саха сирин кэккэ оройуоннарыгар сэтинньи 17 күнүттэн буолуоҕа. Бу туһунан Арассыыйа Гидрометцентрын научнай салайааччыта Роман Вильфанд ТАСС иһитиннэрдэ.
«Саха сирин соҕуруу өттүгэр бэнидиэнньиккэ, оптуорунньукка уонна сэрэдэҕэ олус үрдүк температура күүтүллэр: күнүс -5 уонна түүн — 10 кыраадыс кэриҥэ», — диэтэ.
Ол курдук, бүгүн өрөспүүбүлүкэ соҕуруу өттүгэр күнүс -13 кыраадыска, арҕаа өттүгэр минус -1… -6 диэри бэлиэтииллэр.
Дьокуускайга тымныы — бэнидиэнньиккэ күнүскү температура -25… -27 кыраадыс буолуоҕа. Күн бүтүүтэ кыратык хаардыаҕа.
Вильфанд этэринэн, Саха сиригэр өрөбүлгэ температура нуорматтан 5-15 кыраадыһынан намыһах буолуоҕа. Саха сирин хотугу аҥарыгар тымныы -43… -45 кыраадыс.
This post was published on 17.11.2025 09:57 09:57