«Мин — патриоппун» өрөспүүбүлүкэтээҕи акция чэрчитинэн бүгүн Кыайыы болуоссатыгар күргүөмнээх үлэ, көхтөөх субуотунньук буолла. Бу туһунан Дьокуускайдааҕы коммунальнай тутуу техникумун тэрийээччи-педагога Иустинья Турнина иһитиннэрдэ.
Иустинья Максимовна бэлиэтииринэн, Кыайыы болуоссатын ыраастааһыҥҥа, бэрээдэктээһиҥҥэ техникум бастакы, иккис кууруһугар үөрэнэр 25 оҕо кыттыбыт. Ол кэннэ ыччаттар онно сынньана сылдьар дьоҥҥо, оҕолорго Геогриевскай лиэнтэлэри түҥэппиттэр. Аҕам саастаахтар эдэрдэр үлэлии-хамсыы сылдьалларын көрөн улаханнык сэргэхсийбиттэр, махтаммыттар. Өрөспүүбүлүкэ күнүн уонна Маай бырааһынньытарын көрсө дьон-сэргэ тоҕуоруһар сирэ бэлэм буолбутуттан үөрэллэрин биллэрбиттэр.
