19 От ыйа 19.07
  • 14°
  • $ 87,88
  • 96,1

Таркаайы сибиинньэ оҕотун атыылааһыны саҕалаата

Читайте нас на
Яндекс Новости
ЯДВ

Ньурба улууһугар сибиинньэ иитиитинэн дьарыктанар Таркаайыга соҕотох хаһаайыстыба баар. Александр Данилов кэргэнинээн барыта 70-ча төбө сибиинньэни, 20-чэ төбө сүөһүнү, биир оччо кууруссаны иитэллэр.

Күн бүгүн 1 ыйдаах 20 сибиинньэ оҕото баар. Быйыл улууспутугар атын сиртэн сибиинньэ аҕалбакка, Александр Ивановичтан ылан нэһилиэнньэҕэ тарҕатар сорук ылынныбыт.

Нэһилиэк тыа хаһаайыстыбатын исписэлиистэрэ сайаапка хомуйа олороллор.

Төһө даҕаны хотонноро сииктээх, эргэ буоллар, этэҥҥэ кыстыгы туораан эрэллэр. Бу курдук тыа хаһаайыстыбатынан санааларын ууран туран дьарыктанар энтузиаст дьонноох буоламмыт улууска көдьүүстээх, улахан хамсааһыннар тахсаллар. Маннык дьоммутун биһиги төһө кыайарбытынан өйүү сатыыбыт. Быйыл тыа хаһаайыстыбатын министиэристибэтин линиятынан граҥҥа кыттарга былаанныыбыт диэн тыа хаһаайыстыбатын департаменын салайааччыта Леонид Ушканов иһитиннэрдэ, суруйда «Ньурба» хаһыат, @gazetanyurba

Следите за самым важным и интересным в Telegram-канале и WhatsApp-группе ЯСИА