Судаарыстыба бэлиитикэтэ ойууру чөлүгэр түһэриигэ үлэлиир. Ойуур өлүүтэ уонна баһаарга былдьаныыта баар. Үһүс сылын Ил Дархан Айсен Николаев сорудаҕынан Саха сирин ойуурун тупсарыыга күүстээх үлэ барар. «Якутлесресурс» тэрилтэ анаан үлэлииргэ дьаһал ылбыта, — диэн эттэ бырабыыталыстыба бэрэссэдээтэлин солбуйааччыта Ольга Балабкина.
Кини саҥа эбийиэк үлэҕэ киириитигэр «Якутлесресурс» Мэҥэ Хаҥаластааҕы, Кэбээйитээҕи, Үөһээ Бүлүүтээҕи филиалларыгар ГАЗ Sadko Next массыыналары туттарда.
Табаҕа тэпилииссэтэ региоҥҥа үһүс тутуу буолар. Бастакылар Сунтаарга уонна Алдаҥҥа арыллыбыттара.
Тэпилииссэҕэ сүрүннээн бэс үүннэрэллэр. Килиимэтин эрэсиимэ уонна уутун кутар систиэмэтэ тэриллибит. Тутуу сыаната 15 мөл солк, үбүлээһин «Зелёные платежи» бырагырааманан оҥоһулунна.
