16 От ыйа 16.07
  • 20°
  • $ 87,81
  • 95,78

Таатта Уолбатын чугаһыгар эһэ сылгыны тарта

13:21, 21 июля 2016
Читайте нас на
Яндекс Новости
ЯДВ

Таатта улууһун Уолба нэһилиэгиттэн бэрт чугас, быһа холуйан 2,5 км тэйиччи баар «Мойохос» диэн сиргэ эһэ кэтэх киһи бас билиитигэр баар үөрүтэн биир сылгыны тардыбыта билиннэ. Онон, олохтоох дьаһалта суһаллык бу сиргэ сир асчыттар тиийэллэрин быстах кэмҥэ бопто.


Уолба баһылыга Василий Рахлеев СИА-ҕа эппитинэн, өссө эрдэ Уус-Таатта уонна Уолба нэһилиэктэрин икки ардыларыгар эһэ оҕолорун дьон хаста да түбэһэн көрбүт.

«Ол кэнниттэн кус кэмин саҕана биир улахан эһэ сылдьара биллибитэ. Адьырҕа кыыл дьон-сэргэ доруобуйатыгар, олоҕор кутталы үөскэппэтин, хаһаайыстыбаларга хоромньуну таһаарбатын туһугар дьаһаллары уталыппакка ыллыбыт. Бастаан утаа эһэ баар сиригэр дьон тиийэрин боптубут. Ону таһынан олохтоох булчуттар кыылы бултаһа тахсыахтара», — диир Василий Петрович.

Следите за самым важным и интересным в Telegram-канале и WhatsApp-группе ЯСИА