22 От ыйа 22.07
  • 23°
  • $ 88,02
  • 96,04

Таатта улууһугар сааскы халаан уута массыына суолун алдьатта

Читайте нас на
Яндекс Новости
ЯДВ

Сааскы халаан уута «Харбалаах» массыына суолун учаастагын алдьатта. Суол үлэһиттэрэ уу түстэ эрэ суолу сөргүтэргэ бэлэмнэр, диэн СИА-ҕа Саха сиринээҕи массыына суолун салалтатын пресс- сулууспата иһитиннэрэр.

«Тааттаавтодор» кылаабынай инженерэ Егор Харайданов иһитиннэрбитинэн, бэҕэһээҥҥиттэн суол-иис үлэһиттэрэ халаан уутун тыраасса 3 км уонна 6 км сиригэр тохтото сатаабыттар.

Төһө даҕаны ыарахан тиэхиникэни үлэлэппиттэрин үрдүнэн, ыам ыйын 10 түүнүгэр ууну сатаан тохтоппотулар.

«Билиҥҥитэ уу кэлэ турар. 3 км-дээх сиргэ 1 миэтирэ диаметрдаах турбаны тоҕо солоон ааста. Иккис 2 миэтэрэ диаметрдаах турба билигин толору кыаҕынан үлэлии турар. Айан суолун уу түстэ эрэ чөлүгэр түһэрэн саҕалыахпыт», — диэн эбэн эттэ.

«Управтодор» салалтата суоппардары «Харбалаах» суолунан айанныыртан быстах кэмҥэ аккаастанарга көрдөһөр.

Следите за самым важным и интересным в Telegram-канале и WhatsApp-группе ЯСИА