Таатта оройуонугар суут киһини өлөрбүт 50 саастаах эр киһиэхэ бириигэбэри таһаарда. Кини ыар буруйу 2022 сыллаахха, от ыйын 4 күнүгэр Боробул нэһилиэгэр оҥорбут. Бу туһунан Саха сирин Силиэстийэлиир кэмитиэтэ иһитиннэрэр.
Буруйданааччы, итирик туруктаах, сарсыарда Оважнай уулуссаҕа биир дьиэ күүлэтигэр утуйбут. Дьиэ хаһаайына кинини уһугуннарбыт, онуоха ыалдьыт бэйэтин дьиэтигэр барыан оннугар, хаһаайыны быһахтаабыт. Кини бу киһини сүрүн суолталаах уорганнарын уобаластарыгар хаста да охсубут, ол түмүгэр эчэйиини ылбыт быһылаан буолбут миэстэтигэр тута өлбүт. Силиэстийэ быһаарбытынан буруйдаах дьиэ хаһаайынын абааһы көрөрө биллибит.
Суут эр киһини тоҕус сылга уонна аҕыс ыйга кытаанах режимнээх хаайыыга ыытта.
