Бэҕэһээ улуус баһылыга Айаал Бурцев, баһылык бастакы солбуйааччыта Руслан Захаров уонна улуустааҕы үөрэх управлениятын салайааччыта Иннокентий Дягилев спортсменнар түһэр уонна аһыыр сыһыарыылаах сирдэринэн үлэ хайдах баран иһэрин билистилэр, диэн НВК Саха телеграм-ханаала суруйар.
Оонньуулар ыытыллар кэмнэригэр кыттааччылар Ытык Күөл оскуолаларынан, нэһилиэк уһуйааннарынан, КСК-нан түһүөхтэрэ.
Оонньууларга спортсменнары түһэрии, аһатыы сүрүн боппуруоһунан буолар. Хонор сир, анал аһатар, суунар сир барыта ирдэбилгэ эппиэттиэхтээх. Аһыыр сирдэри, душтары тутуу нэһилиэктэргэ сүктэриллибит.
Кыра кэм иһигэр итэҕэс хаалбыта барыта ситэриллэн, Оонньуулар кыттааччыларын, тэрийээччилэрин үгэс быһыытынан сахалыы сиэринэн көрсүөхпүт турдаҕа.
