Ытык-Күөлгэ медицина комплекса тутуллар, «бережливая поликлиника» ирдэбиллэрэ учуоттаналлар. Киирэр аана пациент ахсаанынан арахсар, регистратураҕа аһаҕас офистар үлэлиэхтэрэ, диэн суруйда доруобуйа харыстабылын министиэристибэтэ СИА-ҕа.
«Үс этээстээх эбийиэк 4000 кв м иэннээх, сменаҕа 200 киһиэхэ ананар. Билигин компьютернай томограф, рентген аппарат, УЗИ, ФГДС туруоруллар, маны сэргэ күнүскү стационарга оборудование таҥыллар», — диэн кэпсээтэ Таатта киин балыыһатын кылаабынай бырааһа Сардана Кононова.
Доруобуйа харыстабылын саҥа эбийиэгэ «Доруобуйа харыстабыла» национальнай бырайыак чэрчитинэн тутуллар. Комплекс кэлэр сылга үлэтин саҕалыаҕа.
«Саха сиригэр доруобуйа харыстабылын эбийиэктэрэ күүскэ тутуллаллар. 2022 мылга 5 тутуу саҕаланна, оттон бу сылтан оройуоттарга — 7. Бөдөҥ балыыһалары тутуу таһынан ФАП-тар, быраас амбулаториялара тутуллаллар, ыраах нэһилиэктэргэ», — диэтэ миниистир Лена Афанасьева.
