Таатта улууһун Харбалааҕар аварийнай туруктаах хотон оннугар саҥа 120 төбө ынах турар хотонун тута сылдьаллар. Ону кыстык саҕаланыар диэри үлэҕэ киллэриэхтэрэ. Бу туһунан Саха сирин бырабыыталыстыбатын бэрэссэдээтэлэ Андрей Тарасенко иһитиннэрдэ, диэн СИА кэпсиир.
«Хотон сүөһү аһылыга сыахтаах толору механизированнай буолуоҕа, тустаах оборудованиены атыыласпыттар. Маннык саҥардыы үлэҕэ киирбитин кэннэ, улуус биир ынах ыамын 1,5-3 туоннаҕа диэри улаатыннарар былааннаах», — диэтэ Андрей Тарасенко.
Кооперативка барыта 336 сүөһү, ол иһигэр 131 ыанар ынах, ону таһынан 126 төбө сылгы баар.
Хотон тутуута «2020-2024 сылларга тыа хаһаайыстыбатын сайыннарыы уонна тыа хаһаайыстыбатын бородууксуйатын ырыынагын сүрүннээһин» судаарыстыбыннай бырагыраама быһыытынан ыытыллар. 2021 сыллаахха үүт уонна эт оҥорон таһаарар хаһаайыстыбалар ороскуоттарын үбүлээһинҥҥэ буолбут куонкуруска ТХПК «Хочо» кыайбыт.
Урут өрөспүүбүлүкэ баһылыга Айсен Николаев Саха сирэ сылгы ахсаанынан дойдуга бастакы миэстэни ыларын бэлиэтээбитэ, онуоха болҕомтону ахсааҥҥа эрэ буолбакка, хаачыстыба көрдөрүүлэригэр уурулларын тоһоҕолообута. Быйыл тыа хаһаайыстыбатын өйөөһүҥҥэ 12,5 млрд солк. бэрилиннэ.
This post was published on 20.07.2022 13:17 13:17