2023 сыл Саха сиригэр Ил Дархан Айсен Николаев Үлэ сылынан биллэрбитэ. Ол чэрчитинэн, СӨ Үп министиэристибэтэ “Династия финансистов” өрөспүүбүлүкэтээҕи куонкурсугар Таатта улууһуттан 151 уопсай финансист ыстаастаах Пахомовтар дьиэ кэргэн кыттыбыттара биллэр.
Бүгүн улуус аактабай саалыгар үөрүүлээх быһыыга-майгыга Пахомовтар дьиэ кэргэни эҕэрдэлээтилэр. Улуустааҕы үп управлениетын салайааччыта Роман Аргунов куонкуруска кыттыбыт Пахомовтар дьиэ кэргэни, бүтүн дьиэнэн удьуор үлэһит буолан, биир тустаах хайысхаҕа ылсан үлэлии сылдьалларын, династияны төрүттээччинэн Иванова (Пахомова) Александра Степановна, 34 сыл, 10 ый, 27 хонук, эдьиийдэрэ Ордахова (Пахомова) Марина Степановна баһылыктаах, 43 сыл, 5 ый, 27 хонуктан бүттүүн 151 уопсай ыстаас буолбуттарын сырдатта.
Үөрүүлээх түгэҥҥэ «Таатта улууһа» МО баһылыга Айаал Бурцев финансист династия баһылыгын Марина Степановнаны эҕэрдэлээн туран, улуустааҕы үп управлениетын Махтал суругун туттарда.
@taattagazeta @ulusmedia
