Таатта оройуонугар олохтооҕун саанан ытыалаан күлүгээннээбитин иһин холуобунай дьыалаҕа тартылар. Ол туһунан Саха сирин прокуратурата иһитиннэрэр.
Быһылаан Ытык-Күөлгэ буолбут, күнэ чуолкайдаммат. Сууттанааччы итирик туруктаах сылдьан чааһынай дьиэ гарааһыгар ийэтин кытта иирсибит. Онтон уулуссаҕа сүүрэн тахсан, ааһан иһэр икки киһини куттаары бултуур саанан салгыҥҥа ыппыт.
Дьыаланы дьүүллэһии түмүгүнэн суут судаарыстыбыннай буруйдааччы позициятын учуоттаан туран, эр киһини 3 сыл 8 ыйга көҥүлүн быста, маныаха 3 сыла холоон көрөр болдьох буолар.
This post was published on 22.11.2023 12:12 12:12