Үс саха үөскүөҕүттэн үөдүйбүт, түөрт саха төрүөҕүттэн төлкөлөммүт, уутуйан үөскээбит улуу олоҥхоһуттардаах, улуу тойуксут дьоннордоох Таатта эбэ туонатыгар улуу убайбыт, саха сэбиэскэй литэрэтиирэтин төрүттээбит суруйааччы, бөдөҥ уопсастыбаннай диэйэтэл, учуонай, төлөннөөх революционер Былатыан Ойуунускай төрөөбүтэ 125 сылыгар аналлаах Таатта ыһыаҕа бүгүн Ытык Күөлгэ ыһылынна.
Улахан суолталаах тэрээһиҥҥэ Ил Дархан э.т. Айсен Николаев, Ил Түмэн спикерэ Александр Жирков кыттыыны ылаллар. Дьокуускайтан, Сунтаартан, Уус Алдантан, Томпоттон, Чурапчыттан, Амматтан, Намтан уо.д.а. улуустартан ыһыах бочуоттаах ыалдьыттара түһүлгэҕэ түмүстүлэр.
Ытык Таатта ыһыаҕын алгыһа түһэр Хадаайы сиригэр-уотугар күүтүүлээх күндү-мааны ыалдьыттар кэллилэр. Улуус аҕа баһылыга Михаил Соров уйгу-быйаҥ ыһыахха саамал кымыс үрдүн охтордо.
Елена ПОТОЦКАЯ, «Саха сирэ» хаһыат, edersaas.ru
0
0
This post was published on 16.06.2018 12:22 12:22