20 От ыйа 20.07
  • 17°
  • $ 88,02
  • 96,04

Тааттаҕа култуура эйгэтигэр бастыҥ үлэлээхтэр анал ааттары туттулар

11:52, 27 апреля 2016
Читайте нас на
Яндекс Новости
ЯДВ

Таатта улууһун Ытык Күөлүгэр народнай тыйаатырга култуура эйгэтин үлэһиттэригэр «Ай-тал» анал ааты туттарыы үөрүүлээх быһыыга-майгыга буолла. Маннык тэрээһини улуустааҕы култуура управлениета сыл ахсын оҥорор.


Уон анал ааты иҥэрии бастыҥтан бастыҥ  үлэлээхтэргэ туттарылынна. Олор ортолоругар Амма нэһилиэгиттэн үс киһи ылан, нэһилиэк дьонун үөрүүтэ улахан. Дойдулаахтарын өр сыллаах дьаныардаах үлэлэрэ үтүө түмүктэрдээх буолбутун туһунан «Айылгы» КСК дириэктэрэ М.Решетникова, уус уран салайааччы Т.Кириллина иһитиннэрдилэр.

Ол курдук, «Алгыс» уопсастыбаннай түмсүүнү салайар Татьяна Ефимова «Сыл бастыҥ уопсастыбаннай түмсүүтүн салайааччы» анал аатын ылбыт. «Өбүгэ үгэһин үйэтитээччи» анал  аат хаһаайынынан олоҥхоһут, тойуксут, оһуохайдьыт, алгысчыт Алексей Николаев буолбут. Сыана бэтэрээнэ, ырыаһыт, үҥкүүһүт Петр Ефимовка дохсун ытыс тыаһыгар доҕуһуоллатан «СӨ норуот художественнай айымньытын сайыннарыыга кылаатын иһин»  анал бэлиэ туттарыллыбыт. Кыайыылаахтар «Ай-тал» статуэткаларынан, грамоталарынан наҕараадаламмыттар.

Следите за самым важным и интересным в Telegram-канале и WhatsApp-группе ЯСИА