Саха сиригэр «Манчаары оонньуулара» спорт национальнай көрүҥнэригэр XXII Спартакиада өрөгөй ырыатын айыыга куонкурус биллэрдилэр. Күрэхтэһии от ыйын 7 — 12 күннэригэр Таатта улууһун Ытык-Күөлүгэр тэриллиэҕэ. Ол туһунан култуура министиэристибэтэ суруйда.
Куонкуруска өрөгөй ырыатын тиэкиһин уонна матыыбын тус-туспа киллэриэххэ сөп эбэтэр толору айыллыбыт ырыаны. Тиэкис сахалыы тылынан суруллар, нууччалыы тылынан тылбаастаах буолуохтаах. Барыллаан иэнэ – икки куплет уонна припев.
Куонкурус икки түһүмэҕинэн ыытыллар. Сиһилии манна аах.
Кыайыылаахха диплом уонна харчынан бириэмийэ туттарыллар: тиэкис – 20 000 солк; матыып – 20 000 солк.
