Таатталар биир дойдулаахтара Саха Өрөспүүбүлүкэтин норуотун маастара Изабелла Иннокентьевна Элякова – Илгийээнэ Ойуунускай аатынан литературнай музейга Ааллаах Үүн таһаҕасчыттарын таҥастарын быыстапкалаан бу күннэргэ түмүктээтэ.
Бу уонтан тахса күҥҥэ устудьуоннар, куорат олохтоохторо, оскуола үөрэнээччилэрэ, общественнай түмсүүлэр музейтан элбэҕи биллилэр- көрдүлэр.
Былыргы өбүгэлэрбит кыыдааннаах тымныыга ыйы-ыйынан айаннаабыт таҥастарын саха дьахталлара хайдах бэрийбиттэрин көрөн, сэргээтилэр.
Илгийээнэ бырайыага өссө биир сонун экспонаатынан байда. Таҥаһы Ааллаах Үүн остуоруйатын үөрэппит, кинигэҕэ тиспит биир дойдулаахпыт Аким Константинович Татаринов бэлэхтээтэ.
Сити курдук кэпсээнтэн кэпсээн, санааттан санаа эбиллэн, бу бырайыак өссө да ис хоһооно кэҥиэ турдаҕа, суруйда #газетатаатта
