Саха сиринээҕи үүт собуота кулун тутар 12 күнүттэн хат дьахталларга уонна оҕо эмтэрэр ийэлэргэ үүт биэрэн саҕалаата. Ыйга үс лиитэрэ наадалаах минералларынан, битэмииннэринэн толору анал үүт бэриллэр. Оҕо улаатарыгар, сайдарыгар, дьахтар доруобуйата тупсарыгар, диэн суруйда доруобуйа харыстабылын министиэристибэтэ.
Бигэргэтиллибит быраабылаларга олоҕуран, эбии аһы хат дьахталлар 12 нэдиэлэлэриттэн саҕалаан, төрүөхтэригэр диэри уонна оҕо эмтэрэр ийэлэр кырачааннара 12 ыйын туолуор диэри ылаллар. Үүт босхо бэриллэр, медицина тэрилтэтиттэн бигэргэтэр ыспыраапка ирдэнэр.
Ырысыап-ирдэбили оҕо поликлиникатыгар педиатр быраас биэрэр, оҕо эмтэрэр ийэ буоллаҕына, оттон хат дьахталларга сыһыарыллыбыт акушер-гинеколога.
Үүт биэрэр сир: Дьокуускай, Дзержинскай уулуссатын 42 дьиэтэ, 2 корпуһа, үүт собуотун бэрэстэбиитэлистибэтэ.
Үлэ бириэмэтэ: бэнидиэнньик — субуота, 9 — 16 чааска диэри, тохтобула 12 — 13 чаас.
This post was published on 24.03.2025 16:43 16:43