Саха тустуутун оскуолатын иитиллээччилэрэ Эдуард Григорьев, Николай Охлопков, Владимир Егоров уонна Роберт Окороков балаҕан ыйын 10-18 күннэригэр Белград куоракка аан дойду чемпионатыгар кыттарга сайабылыанньа суруйдулар, диэн СИА иһитиннэрэр.
Кыттааччылар официальнай испииһэктэрин холбоһуктаах тустуу дойдутугар биллэрдилэр. 57 кг ыйааһыҥҥа тута икки саха киһитин ылбыттар— Австралияттан Европа юниордарга күрэхтэһиитин кыайыылааҕын Георгий Окороковы уонна Македонияттан Европа чемпионун Владимир Егоровы. 61 киилэҕэ диэри ыйааһыҥҥа Саха сирин икки олохтооҕо — Румынияттан Европа чемпионатын медалиһа Николай Охлопков уонна Польшаттан Эдуард Григорьев эмиэ сайаапкаламмыттар.
Өрөспүүбүлүкэ спортивнай бэлэмнэниитин киинигэр иһитиннэрбиттэринэн, саха спортсменнара бэлэмнэнэ сылдьаллар. Билиги биллэринэн, 57 киилэҕэ диэри ыйааһыннаахтарга аан дойду араас дойдуларыттан 32 бөҕөс, ону таһынан 28 бөҕөс 61 киилэҕэ диэри ыйааһыҥҥа күөн көрсүөҕэ.
