Art Doydu киинэ хампаанньата дьиҥнээх олоххо буолбут түбэлтэҕэ олоҕурбут «Карина» киинэ трейлерин көрдөрдө.
Карина Чикитова оруолун София Прибылых оонньоото. Киинэ улахан экраҥҥа муус устар 11 күнүттэн тахсыаҕа.
Киинэҕэ Өлүөхүмэ улууһун олохтооҕо түҥ ойуурга муммут 4 саастаах Карина Чикитова историята көрдөрүллэр. Кинини 12 хонук буолан баран булаллар. Оҕо түҥ ойуурга тыыннаах хааларыгар кини ыта Найда көмөтө улахан.
Режиссер — Марианна Сиэгэн.
София Прибылых 300 претенденткаттан талыллар. Киинэҕэ Вячеслав Лавернов, Мария Кычкина, Петр Баснаев уһулуннулар.
This post was published on 13.03.2024 10:03 10:03