Ньурба улууһун Түүкээн үрэҕин туоруур күргэ систэрин арытын таҥыы үлэтэ түмүктэнэн эрэр. Бу туһунан СИАҕа «Бүлүү» федеральнай суол управлениетын пресс-сулууспата иһитиннэрэр.
Тэрилтэ салайааччыта Николай Андреев күргэ тутуутун миэстэтигэр билистэ. Муоста тирэхтэрэ 100% туран, систэрин арыта 95% таҥыллыбыт. Суол алын араҥата оҥоһуллубут, киирии суолу кутан бүтэрбиттэр. Салгыы гидроизоляция уонна суолу аспааллааһын үлэлэрэ саҕаланыахтара.
Николай Андреев үлэ хаачыстыбатыгар улахан болҕомто уурулларын эттэ.
Муоста Үөһээ Бүлүү-Ньурба икки ардыгар, Бүлүү А-331 айан суолун 702 килэмиэтиригэр тутулла турар. Кини 267 миэтэрэ уһуннаах, киириигэ-тахсыыга 4-түү км уһуннаах аспаал суоллаах буолуо.
This post was published on 30.07.2020 18:01 18:01