Тыа хаһаайыстыбатын министиэристибэтин иһитиннэриитинэн, кыайыылаахтан 0,15 сөкүүндэ хаалан, иккис миэстэни уонна УАЗ-фермер массыынаны Мэҥэ Хаҥалас улууһун 1 Наахара нэһилиэгин бастакы хамаандата ылла. Үһүскэ — Амма улууһун «Давидофф» тэрилтэ бастакы хамаандата буолла уонна «Буран» техника тутта.
Бастыҥ хамаандалар түөрт түһүмэхтээх эстафетаҕа быһаарылыннылар, уопсай дистанция 1700 м. Күрэхтэһиигэ саха, приленскэй уонна мэҥэдьэк боруодалара эрэ кытыннылар.
Быйылгы күрэхтэһии тохсус төгүлүн ыытыллар уонна Уһук Илиҥҥи уокурук төрүттэммитэ 25 сылыгар, Кыайыы 80 сылыгар уонна Социалистическай үлэ геройа Афанасий Степанов төрөөбүтэ 105 сылыгар ананна.
Барыта 19 хамаанда 13 улуустан кытынна. Хамаандаҕа 4 киһилээх, ол иһигэр 18-гар диэри саастаах биир уол уонна 50 сааһыттан тахсыбыт бэтэрээн.
